MAYAKKU Download Mp3 Lagu Gayo Atu Tulu Group

MAYAKKU Download Mp3 Lagu Gayo Atu Tulu Group

Lirik Lagu Gayo "MAYAK KU" By Azman Atu Tulu Group

Ini tekek manatku
Ari aku urang tuemu mayakku wo
Wo opoh bajungku
enge luah ari aku mayakku wo

Kao tengah mude
Kuluahi sinte
Amanah ari Tuhente
Ku kite bebewente
Buge kati semperne morepmu puren

Konot di ruesmu
Asa lelang ilene akalmu mayakku wo
Ken seni tobohmu
Asa singket ilen pemekermu mayakku wo

Turah pane ko berconto
Si jeroh i tonongko
Jeroh orom sudere
Salah tekek enti dewe
Tetahi ke salahte kati mulie puren

Bertotor gelah pane
Nantu ate ni urang tue mayakku wo
enti sawah kupenge
Saket nate ni urang tue mayakku wo

Ku Uken ko berine
Ku Toa ko berama
enti sawah mubeda
Rues orom tungku
Beta le si jerohe turah i timang ko

Ini manat pengen ari aku mayakku
Ini manat ken nemah belohmu mayakku
Ari aku urang tuemu
Ini manat pengen ari aku mayakku
Ini manat ken nemah belohmu mayakku
Ari aku urang tuemu

Soboh terang lao
Kami julen ko mah kero le mayakku wo
Ike redok pe lao
I teger ko mi atemu le mayakku wo

Kao turah beloh
Munetahi naseb
Semperne ni morep
Tuahmu bahgie
Oya nge i garesen ari Tuhente

Ini ara panton
Ari aku urang tuemu le mayakku wo
Bahgiemi roanmu
Rom do’angku kukeremen mayakku wo

Buge mu ken seserenen
Tempatku berlongoh
Bier i basahi uren
Bier i poraki lao
Payong si kukemangen longoh gere toroh

Selamat mi beloh
Asal roloh nong atengku le mayakku wo
Reneh nge atengku
opoh bajungku nge beloh mayakku wo

Bierpe kao jarak
Ingeti ko kase
Ku kao reroanmu
Selalu mi munuju
Bierpe beperau enti sawah mubalek

Ini manat ku kao roanmu mayakku
Ini manat ken nemah belohmu anakku
Ari aku urang tuemu
Ini manat ku kao roanmu mayakku
Ini manat ken nemah belohmu anakku
Ari aku urang tuemu


Mp3 Lagu Gayo Azman Atu Tulu Group "MAYAK KU" [DOWNLOAD]

Koleksi Lagu Gayo Atu Tulu Group:



Mau support lewat mana?

Terbantu dengan artikel ini? Ayo balas dengan Support Kami. Tekan tombol merah!
© TANOH GAYO. All rights reserved. Developed by Saifullah.id

Iklan

Close x