Mari lues belang ojong ni kemaro
(Resam berume male i mulon)
(Resam berume male i mulon)
Lintes ni kelamon i baor ni cempege
(Imo mentaok i Kelieten)
(Imo mentaok i Kelieten)
Mubentang kedot i ojong Baro
(Sawah ku Pendere ku oneng Niken)
(Sawah ku Pendere ku oneng Niken)
Nge ara tene lao male uren
Sedie tersek belah belide sapat musede
Toron ku ume besilo male i mulon
I tebes kerpe rerakpe i rike
(Patal i terlis sagie enti lupen)
(Patal i terlis sagie enti lupen)
Raom ken seme berpeleh termulo
(Isuk seme sara peden)
(Isuk seme sara peden)
Beta perintah ari kejoron mude
(Simurike langkah mubilang ulen)
(Simurike langkah mubilang ulen)
Toron ku ume oya muperatoren
I pantek tersek tali i rengang ringkel murentang
Tompet rom mene bele oya kati kabang
Resam berume ari masa sedenge
I totor ni tetue sawah ku simemude
Mubilang ulen munapat ni ketike
Toron ku ume kejoron turah mulo turah mulo
Beta le kire i masa sedenge
Beta le kire i masa besilo
Beta le kire resamme
Ari Takengen ku Simpang Tige
I Tingkem puren i Toweren termulo
Ari mumelah sawah ku mudue
(Berator waes ku wanni ume)
(Berator waes ku wanni ume)
Raom bertomang i lamot sedie
(Sawah ku mumio senuen berjege)
(Sawah ku mumio senuen berjege)
I peden munoleng mujaek pe kire
(Sawah ku keben raom berjule)
Oya le resam toron ku ume i Gayo
Ari jemenmi sawah besilo resam berume
Beta i uken beta kire i toa so