emos ni kuyu si gaëh munemah keber
empas ni gelumang muserme ku pante
Gere ke në denem senuen ken uren
Ku kaseh ni emon si munaso nami
Kadang gere tures keber te nenenge
Alos ni basae morep wan sebuku
Sawah ke de kuyu si alos bersisu
Sebuku ni peteri nge mujadi atu
o..ho…peteri o..ho…peteri
Ike kulanget kao kusigei
Melas ken cerak ku singe lepas emas
Janyi mupinah wan sawah nipingku ine…
Kuharap ko payong ken todong nungkes ni ulu
Paongku bersilu ike gaëh uren
Nge rembebe rempate nge mëh kurasanen
Genap nge si munge ageh kusibeloh
Wanni uten lues kutaoki geralmu
Wanni laot kolak kuawe bebayangmu
I uren si deras ku penge sisumu
I bintang si pitu kutonongen janyimu