Title : Riribong
Vocal : Arjua Mansyur (Linge Group)
Album : Perdamian 2006
Seni gayo dele pedi
ara teganing urum kecapi
surune urum bensi
iulaki lagu sedenge mukene
Dele Resam ke kite ingeti
Kebudayaan i gayoni
Ukir ni labu urum keni
Belangi di gere mugune besilo
Kumuloi ari bebalon
Tempate wan kokoten
seger leas wae turun
Netah petemun wae ter mulo wo ine
Beluh munginte ikeldepen
Urum upuh i ulesen
Enti sampe jema munengon
Ber sidemun baru i uke wo ine
Sara mi mien si bergeral batil
aku pe olok di ter pikir
Gere salah nge tekedir
Tempate tenger atanni bere wo Reje
Ari tembege asal ni batel
Belangi di wae beroker
emun berangkat seret gatil
wae tampil i musem mungerje wo ine
Woooooo Gayoooo .. ho ho ho gayo
Ara ke ilen edetmu besilo wo gayo
Ku sahen aku mungune wo gayo
Tue bang kampe meh mulo wo gayo
Reff:
Ririribong tengah ku cak ku dedibong
E nge kaul i mai paong
Bong kudibong dibongen ko urang gayo
Muninget mien kite ku ampang
We bercucuk urum benang
ara ijo ara ilang
ke i panang olok pedi sige sudere
Mampat sentan mudenang
Kunul kone gere sembarang
Reje sehari si nge terang
Walau sedang kite turah bersile wo Reje
Si pemarin oya bergeral sunting
Atan ulu tempate nge pacing
Lagu serlah urum luding
Sunguh sinting i pemelie sudere
Besilo nge dabuh tareng
Bebelkap wae i rering
Kerawang gayo ine lagu si penting
Ke isareng sahan pue die urang gayo
Pakaian melayu i pergunen
I emah ari dereten
cube kunei ku jema jemen
Oya rupen nume nikite urang gayo
Woooooo Gayoooo .. ho ho ho gayo
Ara ke ilen edetmu besilo wo gayo
Ku sahen aku mungune wo gayo
Tue bang kampe meh mulo wo gayo
Back To reff 2x
2x
Shala tullah Shala Mullah
Ala Thaha Rasulillah
Shala tullah Shala Mullah
Ala Yasin habibillah